Науқандар тізіміне
Маусым айының акциясы! «Вегетариандық» профилі 2026 жылғы 1–30 маусым аралығында
Етсіз тамақтану рационы теңгерімді болуы мүмкін, бірақ тәжірибеде ол әрдайым ағзаның барлық қажеттіліктерін толық қамтамасыз ете бермейді.
Профиль құрамына кіреді:
- D дәрумені
- В12 дәрумені
- Жалпы кальций (Са)
- Жалпы ақуыз
- Темір (Fe)
- Ферритин
- Жалпы холестерин
- Бейорганикалық фосфор
- ЖҚА
Жеке бағасы: 26 720 тг.
Акция бойынша бағасы: 18 700 тг.
Қосымшаны жүктеп алып, қорытынды бағасы 17 765 теңге болатын қосымша 5% жеңілдікке ие болыңыз. Процедуралық кабинетке келіп, қосымшада тіркелгеннен кейін «Профиль» бөліміндегі промокодты көрсетіңіз.
Промокодты пайдалану жолы:
- App Store немесе Google Play-ден ОЛИМП КДЗ қосымшасын жүктеңіз
- Тіркеліңіз немесе жүйеге кіріңіз
- «Профиль» бөліміне өтіңіз
- Промокодты тіркеушіге көрсетіңіз
- Промокод ОЛИМП КДЗ қосымшасында авторизациядан өткен пайдаланушыларға автоматты түрде көрсетіледі
Кейбір заттар жануар текті өнімдерден оңай әрі жылдам сіңіріледі.
Мысалы:
- В12 дәрумені өсімдік тағамдарында іс жүзінде кездеспейді;
- өсімдік құрамындағы темір еттегі темірге қарағанда нашар сіңіріледі;
- D дәрумені өмір салты мен тамақтану ерекшеліктеріне байланысты жиі жеткіліксіз мөлшерде түседі.
D дәрумені
Майда еритін зат, ағзада белсенді түрлерге айналып, кальций мен фосфор алмасуын реттейді.
Өсімдік текті тамақтану кезінде D дәрумені тапшылығының қаупі бірнеше себепке байланысты жоғары болады:
- тағамдық көздерінің шектеулі болуы
- рационда майлы балық пен бауырдың болмауы
- күн сәулесі арқылы синтезге тәуелділік
D дәрумені деңгейі төмендеген кезде кальций мен фосфордың сіңуі бұзылады. Бұл бірден бірнеше жүйеге әсер етеді:
- сүйек тіні әлсізденеді
- сүйектердің минералдануы нашарлайды
- бұлшықет күші төмендеуі мүмкін
В12 дәрумені
Қан түзілуге, жүйке жүйесінің жұмысына және зат алмасуға қатысатын суда еритін дәрумен. Ол эритроциттердің түзілуі мен жетілуі, сондай-ақ ақуыздар, майлар және көмірсулар алмасуының қалыпты жүруі үшін қажет.
Адам ағзасы В12 дәруменін жеткілікті мөлшерде өздігінен синтездей алмайды.
Оның негізгі көздері - жануар текті өнімдер:
- ет;
- балық;
- жұмыртқа;
- сүт өнімдері;
- бауыр.
В12 дәруменінің тапшылығы біртіндеп дамиды.
Мүмкін белгілері::
- тұрақты шаршау;
- әлсіздік;
- зейіннің төмендеуі;
- ұйқышылдық;
- есте сақтаудың нашарлауы;
- бас айналу
Кальций
Ағзадағы негізгі минералдардың бірі.
Кальцийдің шамамен 99%-ы сүйектер мен тістерде болады, қалған бөлігі қан мен тіндерде орналасады. Ол сүйек тінінің беріктігі үшін ғана емес, бұлшықеттердің, жүйке жүйесінің жұмысы және қанның ұю процестері үшін де қажет.
Өсімдік текті рацион кезінде кальций жеткіліксіз түсуі немесе нашар сіңірілуі мүмкін.
Бұл бірнеше факторларға байланысты:
- сүт өнімдерін шектеу;
- D дәруменінің тапшылығы;
- өсімдік тағамдарынан минералдардың сіңірілу ерекшеліктері;
- рациондағы ақуыз тапшылығы
Жалпы ақуыз
Қанның негізгі биохимиялық көрсеткіштерінің бірі. Ол сарысудағы барлық ақуыздардың, ең алдымен альбуминдер мен глобулиндердің жалпы мөлшерін көрсетеді.
Ақуыздар ағзадағы көптеген процестер үшін қажет:
- дәрумендер мен минералдарды тасымалдау;
- иммундық жүйенің жұмысы;
- тіндердің қалпына келуі;
- зат алмасу;
- су теңгерімін сақтау
Темір
Қан түзілу процесіне қатысатын және жасушаларды оттегімен қамтамасыз етуге көмектесетін өмірлік маңызды микроэлемент. Ол гемоглобиннің - ағза бойынша оттегіні тасымалдайтын ақуыздың синтезі үшін қажет.
Темірдің негізгі көздері - қызыл ет пен бауыр. Өсімдік текті тамақтану кезінде темір тапшылығының қаупі жоғары, себебі өсімдік өнімдеріндегі темір нашар сіңіріледі.
Темір жеткіліксіз болған кезде ағзаға тіндерді оттегімен қамтамасыз ету қиындайды.
Тапшылық кезінде келесі белгілер пайда болуы мүмкін:
- тұрақты шаршау;
- әлсіздік;
- бас айналу;
- жұмысқа қабілеттіліктің төмендеуі;
- физикалық жүктеме кезінде ентігу;
- терінің бозаруы;
- тырнақтың сынғыштығы;
- шаштың түсуі.
Ферритин
Ағзадағы «темір қоры» қызметін атқаратын ақуыз. Ол темірді жинақтап, ағзаға қан түзілуі мен басқа процестер үшін қажет болған кезде босатады.
Өсімдік текті рацион кезінде темір қоры бірнеше себепке байланысты жылдамырақ азаюы мүмкін:
- өсімдік тағамдарындағы темірдің нашар сіңірілуі;
- ет құрамындағы гемдік темірдің болмауы;
- тапшылықтың біртіндеп жиналуы.
Зерттеу мыналарды бағалауға көмектеседі:
- жасырын темір тапшылығының бар-жоғын;
- темір қорының қаншалықты азайғанын;
- теміртапшылық анемиясының даму қаупін.
Холестерин
Ағза жасушаларында болатын және маңызды қызметтер атқаратын май тәрізді зат. Ол жасуша мембраналарын құруға қатысады және гормондар, өт қышқылдары мен D дәрумені сияқты бірқатар биологиялық белсенді заттардың синтезіне негіз болады.
Зерттеу мыналарға мүмкіндік береді:
- қандағы холестерин деңгейін бағалауға;
- липид алмасуының бұзылыстарын анықтауға;
- метаболикалық бұзылыстар қаупін бағалауға.
Холестерин өздігінен зиянды зат болып табылмайды. Ол ағзаның қалыпты қызметі үшін қажет.
Ол келесі процестерге қатысады:
- жасуша мембраналарын қалыптастыру;
- гормондар синтезі;
- өт қышқылдарының түзілуі;
- D дәруменінің синтезі
Фосфор
Ағзада фосфаттар түрінде болатын өмірлік маңызды макроэлемент. Ол негізгі жасушаішілік анион болып табылады және ағзаның барлық дерлік жүйелерінің жұмысына қатысады.
Фосфор ағзаға тағам арқылы түседі және көптеген өнімдерде кездеседі. Алайда оның тепе-теңдігі басқа элементтермен, әсіресе кальций және D дәруменімен тығыз байланысты.
Фосфор келесі маңызды процестерге қатысады:
- энергетикалық алмасу;
- бұлшықеттер мен жүйке жүйесінің жұмысы;
- жасушалардың өсуі мен бөлінуі;
- сүйек тінінің қалыптасуы;
- генетикалық ақпаратты сақтау және беру.