Кері қайту«ОЛИМП КДЗ» – сапа әрдайым биікте!
Медициналық зертханаларды ISO 15189 стандарты талаптарына сәйкестігі бойынша аккредиттеу
ISO 15189 «Медициналық зертханалар. Сапа мен құзыреттілікке қойылатын талаптар» стандарты – зертхананың өз жұмысын сапасы өлшенетін, басқарылатын және жүйелі түрде жетілдірілетіндей етіп қалай ұйымдастыруы керектігін айқындайтын халықаралық стандарт. Бұл – медициналық зертханаларда менеджмент жүйесін құру жөніндегі білімдер жиынтығы. Ол әлемнің барлық елдерінде мойындалған және сапаға ұмтылатын, осы стандарт туралы естімеген әрі оның талаптарын өз жұмысында қолданбайтын зертхана әлемде жоқ деуге болады. Қазақстан Республикасында, әлем елдерінің басым көпшілігіндегідей, зертханаларды осы стандарт талаптарына сәйкестігі бойынша бірыңғай халықаралық аккредиттеу жүйесі аясында аккредиттеу рәсімі жүзеге асырылады. Мұндай аккредиттеу – тәуелсіз және уәкілетті органның медициналық зертхананың аккредиттеу саласына енгізілген медициналық зерттеулерді жүргізудегі құзыреттілігін ресми түрде тану рәсімі. Айта кету керек, Қазақстан Республикасында ISO 15189 стандарты талаптарына сәйкестікті аккредиттеу ерікті болып табылады. Сонымен қатар, бұл зертхана жұмысының сапасын тәуелсіз бағалаудың жалғыз тәсілі, өйткені елімізде мұндай бақылаудың басқа толыққанды тетігі жоқ. «ОЛИМП КДЗ» зертханалар желісінің барлық зертханалары 2014 жылдан бастап ISO 15189 талаптарына сәйкестігі бойынша (қазіргі уақытта ҚР-да СТ РК ISO 15189-2023 редакциясы қолданылады) құрамына жүзден астам зерттеу кіретін кең аккредиттеу саласы бойынша аккредиттеу рәсімдерінен тұрақты түрде өтіп келеді. Бұл – компанияның әлемде қабылданған үздік стандарттарды, тәсілдер мен тәжірибелерді қолдануға бағытталған қағидатты саясаты.